Një zëdhënës i talebanëve, u tha gazetarëve se nuk ka një listë të njerëzve që janë vënë në shënjestër për hakmarrje, dhe “ne kemi harruar gjithçka në të kaluarën”.
Por pretendimi vjen mes raporteve që grupi po kryen ekzekutime përmbledhëse – të cilat Komisionerja e Lartë e Kombeve të Bashkuara për të Drejtat e Njeriut, Michelle Bachelet, i quajti “të besueshme”.
Janë raportuar edhe shkelje të tjera të të drejtave të njeriut, përfshirë kufizimet për gratë dhe rekrutimin e ushtarëve fëmijë, tha ajo para Këshillit të OKB-së, për të Drejtat e Njeriut sot.
Talebanët operuan me një version të rreptë të ligjit islamik (Sheriatit) kur ata drejtuan Afganistanin para vitit 2001. Që nga rimarrja e vendit nëntë ditë më parë, militantët janë përpjekur të përcjellin një imazh më të përmbajtur, duke premtuar të drejta për gratë dhe vajzat dhe njëfarë lirie të fjalës.
Bachelet thotë se të drejtat e grave janë një “vijë e kuqe themelore” dhe u bëri thirrje shteteve anëtare të OKB-së, të krijojnë një organ të dedikuar për të monitoruar të drejtat e njeriut në Afganistan.
Burimi i lajmit: BBC. Përshtatur nga Tirana Today
