Byroja Kombëtare e Hetimit, do të jetë në duart e amerikanëve. SPAK ka dhënë sinjale të qarta se nuk do tolerohen zyrtarët e korruptuar. Ambasadorja e Shteteve të Bashkuara, Yuri Kim, ka mirëpritur në Shqipëri ish-agjentin Special Mbikëqyrës të FBI-së dhe këshilltarin e ri të Byrosë Kombëtare të Hetimit, Steve Butler.
Ambasadorja Kim u takua me Steve për të biseduar mbi mbështetjen tonë të vazhdueshme për punën themelore të SPAK, në hetimin dhe ndjekjen penale të korrupsionit dhe krimit të organizuar nëpërmjet trajnimeve, ndërtimit të kapaciteteve, pajisjeve dhe ekspertizës këshilluese.
Byroja Kombëtare e Hetimit është njësia hetimore e SPAK. SPAk-u është institucion i ri, i pavarur dhe i pa politizuar kushtetues, detyra e të cilit është të ndjek penalisht korrupsionin, krimin e organizuar dhe krimet e kryera nga zyrtarë të lartë. Byroja Kombëtare e Hetimit është një strukturë e specializuar e Policisë Gjyqësore që vepron vetëm nën drejtimin e Prokurorisë së Posaçme. Byroja është e përbërë nga Hetues dhe shërbimet e Policisë Gjyqësore. Hetuesi është punonjës i Byrosë Kombëtare të Hetimit, përgjegjës për hetimin dhe e kryen atë vetëm nën drejtimin e Prokurorisë së Posaçme.
Njoftimi
Ambasada e Shteteve të Bashkuara ka kënaqësinë të mirëpresë në Shqipëri ish Agjentin Special Mbikëqyrës të FBI-së dhe këshilltarin e ri të Byrosë Kombëtare të Hetimit, Steve Butler. Ambasadorja Kim u takua me Steve për t’a mirëpritur atë në ekip dhe për të biseduar mbi mbështetjen tonë të vazhdueshme për punën themelore të SPAK në hetimin dhe ndjekjen penale të korrupsionit dhe krimit të organizuar nëpërmjet trajnimeve, ndërtimit të kapaciteteve, pajisjeve dhe ekspertizës këshilluese.
