Një video me pamje të rënda është shfaqur në mediat e huaja, ku tregon trupin e një burri afgan të shtypur për vdekje gjatë uljes së aeroplanit të hënën – ndërsa evakuimet rifilluan sot pasi trupat rimorën kontrollin e pistës.
Pamjet të cilat duket se janë marrë në derën e pasme të një aeroplani ushtarak C -17 – tregojnë këmbët e një njeriu që dalin nga harku i rrotave.
Avionët C -17 po evakuonin personelin amerikan nga aeroporti i Kabulit të hënën, dhe videot treguan afganë të dëshpëruar të kapur pas rrotave të aeroplanit.
Mijëra afganë sulmuan pistat dhe u përpoqën të futen me forcë në fluturimet jashtë vendit, duke ndaluar përkohësisht misionet e evakuimit të cilat rifilluan të martën herët.
Mendohet se janë të paktën 40.000 njerëz që kanë nevojë për evakuim nga vendi – përfshirë 30.000 diplomatë amerikanë, mbajtës të vizave dhe afganë që u kanë premtuar strehë, 4.000 britanikë dhe një numër të panjohur perëndimorë të tjerë, përfshirë francezët, gjermanët dhe polakët.
Amerika shpreson të largojë rreth 5.000 njerëz në ditë dhe Mbretëria e Bashkuar 1.200. Operacioni i shpëtimit ka të ngjarë të zgjasë me javë, por edhe me muaj.
Burimi i lajmit: Dailymail. Përshtatur nga Tirana Today
