Në Kosovë u konfirmuan të enjten edhe 72 raste të reja me koronavirus. Ato rezultuan pas testimit të 2,443 mostrave, bëri të ditur Ministria e Shëndetësisë e Kosovës, duke u thirrur në të dhënat e Institutit Kombëtar të Shëndetësisë Publike.
Në 24 orët e kaluara u shëruan 17 pacientë, ndërsa raste aktive me koronavirus mbeten 305, thuhet në njoftim.
Në Kosovë, që nga fillimi i pandemisë pranverën e vitit të kaluar, janë konfirmuar gjithsej 108,203 raste me koronavirus. Prej tyre, 2,265 pacientë kanë vdekur dhe 105,633 janë shëruar.
Deri më tani, në Kosovë janë dhënë 400,217 vaksina kundër koronavirusit, 12,123 vetëm në 24 orët e fundit, dhe mbi 130,000 qytetarë janë të vaksinuar plotësisht.
