Një tren i shpejtësisë së lartë ‘Maglev’, që mund të arrijë shpejtësi deri në 600 kilometra në orë, bëri debutimin e tij në Qingdao, Kinë. Krijuar nga korporata shtetërore Kineze e Hekurudhave, ai konsiderohet si treni më i shpejtë në botë.
“Maglev” është një shkurtim për “ngritje magnetike”. Treni duket se “noton” falë një force elektromagnetike që e bën atë të rrëshqasë mbi shina.
Liang Jianying, zëvendës menaxher i përgjithshëm dhe kryeinxhinier i CRRC Sifang, i tha medias shtetërore kineze se përveç shpejtësisë, treni shkakton nivele të ulëta të zhurmës dhe kërkon më pak mirëmbajtje sesa trenat e tjerë me shpejtësi të lartë.
Hekurudha e shpejtësisë së lartë është një përparësi kryesore në Kinë, duke synuar lidhjen e qyteteve ë të mëdha me tren për të zvogëluar kohën dhe shpenzimet e nevojshme për të udhëtuar brenda-përbrenda vendit më të populluar në botë./CNN
