Mesazhi i dërguar tek Pavel Nedved, sipas ‘Gazzetta dello Sport’, është qetësues dhe një ‘konfirmim’ i asaj që Nedved priste me prezantimin e kalendarit të Serisë A. Që është: kampioni portugez do të mbetet në Torino edhe sezonin e ardhshëm. Qëllimi është që të paraqitet në Continassa më 25 korrik, i shlodhur dhe i gatshëm për një vit në të cilin do të mundohet ta rikthejë Juventusin në majë.
Ndërkohë, agjenti i tij, Mendez po lëviz për të organizuar rinovimin e kontratës deri në vitin 2023.
Kontratë që mund të vihet në praktikë vetëm kur presidenti Agnelli të kthehet nga pushimet, pasi klubi do të duhet të peshojë gjithçka mirë nga pikëpamja ekonomike. Një operacion i stilit ‘Messi’ siç bëri Barcelona është gjithashtu i mundur, pra me një ulje të pagës, por fjala e fundit do të mbetet e lojtarit.
