Lionel Mesi do të jetë një lojtar i Barcelonës edhe për 5 vitet e ardhshme. Sipas portalit spanjoll, L’Esportiu akordi është arritur dhe shumë shpejt pritet të zyrtarizohet, përpara se presidenti Joan Laporta të udhëtojë drejt Izraelit.
Në fillim u spekulua se lojtari do të firmoste për 2 vite dhe pastaj do të shkonte në Amerikë për të luajtur me Majemin. Ky opsion nuk përjashtohet, pasi Mesi mund ta prishë kontratën me Barcelonën, por ideja paraprake është firma për 5 vite.
Një tjetër detaj, është përgjysmimi i rrogës nga ana e kapitenit argjentinas. Kriza ekonomike e detyron klubin që të mos bëjë shpenzime të çmendura dhe Mesi në sezonin e parë do të përfitojë vetëm 20 milionë euro.
Ai do të ketë edhe një premio në momentin që hedh firmën në kontratë, por në sezonin e dytë, Mesit do t’i rritet rroga në mënyrë të menjëhershme dhe në fund do të ketë një klauzolë që ai mund të largohet.
