Teuta mundet edhe në Moldavi. Skuadra durrsake nuk lë gjurmë në kualifikueset e Champions League. Përballë Sheriff Tiraspol skuadra drejtuar nga Edi Martini u mposhtt me shifrat 1-0, teksa në sfidën e parë ishte mundur 4-0.
Ndonëse për kualifikimin gjithçka ishte vendosur që në Durrës, pritej që kampionët e Shqipërisë të bënin një reagim krenarie në transfertën moldave, por u shfaqën sërish të pafuqishëm dhe inferiorë ndaj kundërshtarit.
Në “Stadionul Sheriff” vendasit e nisën vrullshëm dhe ishte sulmuesi që shënoi golin e katërt në Durrës, maliani Adama Traore, ai që dërgoi topin në rrjetën e portës së Frashërit, që në minutën e 6’ të takimit.
Teuta do të vijojë në Conference League, pasi do të përballet me skuadrën nga Andorra, Inter de Esclades, në turin e dytë eliminator.
