Carles Aleñá
Lamtumirat janë gjithmonë të vështira, veçanërisht nëse largohesh nga një klub që të ka rritur për 16 vjet, si profesionalisht ashtu edhe nga ana njerëzore. Për vite me radhë është konsideruar si prodhim i La Masías, por kurrë nuk ka gjetur shumë hapësirë në Barcelonë. Pas dy sezonesh në huazim, fillimisht me Betisin dhe më pas me Getafen, i linduri i ’98ës nënshkroi një kontratë pesë-vjeçare me këtë të fundit.
Jesper Lindstrøm
Një goditje nga Eintracht Frankfurt që i siguron vetes një nga protagonistët e mëdhenj të titullit të fundit të Brondby-t. Vizion, driblim, gjuajtje, zbritje: 21-vjeçari danez i ka të gjitha, ka gola dhe asistime gjithashtu në CV.
Bruno Alves
Ai po shkon drejt moshës 40 vjeç, por stili i tij i jetesës, i kuruar nga “agjërimi” i përhershëm, ende e lejon të luajë futboll në nivele të larta. Ishi Kaljarit dhe Parmës shkon kështu në Famalicão, duke u kthyer në Portugali pas më shumë se 10 vitesh.
Jusuf Demir
I shkathët me të majtën, një e majtë delikate, 18-vjeçari austriak me origjinë turke di të luajë në të gjithë frontin e sulmit. Barcelona e ka huazuar atë për 500 mijë euro, plus 10 milion për të drejtën e blerjes, dhe fillimisht do të luajë me ekipin B. Me Rapid Vienna ka bërë 38 paraqitje, 9 gola dhe 4 asistime.
Ismail Jakobs
Pas gati 10 vitesh me Këlnin, gjë që e çoi në skenat e mëdha të Bundesligës, anësori i majtë gjerman me origjinë Senegaleze shkon tek Monako. Ai është një nga shtatë kampionët evropianë U21 me Gjermaninë e Kuntzit që do të jetë pjesë e ekipit olimpik.
Tirana Today
