Brazili preu “biletën” për në gjysmëfinalen e Kupës së Amerikës. “Seleçao” arriti të mposhtë me rezultatin minimal 1-0 kombëtaren e Kilit në “Estadio Olimpico Nilton Santos” të Rio De Zhaneiros.
Brazili iu fal golit të ish-milanistit Lukas Paketa, sapo kishte filluar pjesa e dytë ku dhe vetë lojtari sapo kishte mbushur 1 minutë në fushën e blertë dhe menjëherë realizoi një gol të bukur me disa kombinime me shokët e skuadrës.
Por pas vetëm 2 minutave nga shëmimi i golit, kombëtarja braziliane u gjend në lojë me 10 vetë pas kartonit të kuq të marrë nga sulmuesi i Mançester Sitit, Gabriel Zhezus në minutën e 48′.
Vlen të përmendet edhe fakti se Kili gjeti golin e barazimit me Edu Vargas në minutën e 62-të, por VAR-i e akordon si të parregullt.
Me këtë fitore, Brazili shkon në gjysmëfinalen ku do të ndeshet në datën 6 korrik ndaj Perusë, e cila u tregua më e saktë se Paraguai në goditjen e penalltive, pas rezultatit 3 me 3 në kohën e rregullt.
