Zbardhet dëshmia e Klevis Allës, personit i cili ka statusin e e dëshmitarit të mbrojtur të drejtësisë, lidhur me ngjarjen e ekzekutimit të Besmir dhe Viktor Haxhias, e cila ndodhi në prill të 2020-ës në Durrës.
Sipas ”News 24”, Alla ka implikuar për vrasjen e dy vëllezërve disa persona, teksa ka deklaruar se Nuredin Dumani, i cili ishte komshiu i tij, e ka kontaktuar rreth muajve mars dhe prill të vitit 2020 dhe i ka thënë që duhet të shkojë tek shtëpia e tij.
Dumani, së bashku me të shumëkërkuarin Talo Çela, duke përdorur si shofer të penduarin Alla, kanë vrarë vëllezërit Haxhia. Kjo, pasi sipas të penduarit, Dumani dhe Çela ishin në konflikt me Besmir Haxhinë, për lekët e grabitjes së Rinasit.
Sipas Allës, Dumani është i rrezikshëm, dhe nuk e tregoi në fillim emrin e tij pasi e kërcënonte.
”Ata do të vrasin Besmirin’. Xhixha e Diva thanë se vrasja behej se vendi ishte i mirë dhe më kërkuan mua si shofer. Se tregova emrin e Dumanit se me kërcënoi se do me vriste motrën. Besian Xhixha një natë qëndroi në shtrinë e Nuredin Dumanit”, tha Alla ndër të tjera.
