Disa vendime janë të vështira për t’u pranuar, edhe pse mund të kesh 12 vite në pushtet. Kështu ka ndodhur me Benjamin Netanjahun, i cili pas 12 vitesh kryeministrër, tashmë ka ka kaluar në opozitë, pasi Parlamenti votoi një qeveri të re të koalicionit.
Megjithatë, edhe pas votimit, Netanjahu u ul sërish në karrigen e kryeministrit, duke harruar se ai nuk mund ta ushtrojë më këtë funksion.
Gjidandi britanik BBC, ka transmetuar një video ku shihet se pas votimit në parlament, Netanjahut i komunikohet nga një person se duhet të lëvizë nga karrigia e kryeministrit.
Nga 120 deputetët e Parlamentit të Izraelit, pro kabinetit të ri qeveritar votuan 60 ndërsa 59 ishin kundër.
Qeveria e re do të drejtohet nga nacionalisti i krahut të djathtë, Naftali Bennett, nga partia Yamina, i cili u betua në postin e kryeministrit dhe do të drejtojë një koalicion të gjerë të partive.
