Sipërfaqja e Marsit me pluhur të kuq, shkëmbor dhe një rover, roboti kinez me flamuj të vegjël kombëtar, u panë në fotot e lëshuara sot, të premten, që roveri mori në ‘planetin e kuq’.
Imazhet e lëshuara nga Administrata Kombëtare e Hapësirës së Kinës tregojnë gjithashtu skenën e sipërme të roverit Zhurong dhe pamjen nga roveri para se të rrokullisej nga platforma e tij.
Zhurong vendosi një aparat fotografik rreth 10 metra nga baza e uljes, dhe më pas u tërhoq për të shkrepur një foto në grup, sipas CNSA-së.
Kina zbarkoi në Mars, muajin e kaluar, anijen Tianwen-1 që mbante roverin, pasi kaloi rreth tre muaj në orbitë përreth planetit të kuq. Kina është vendi i dytë që ka dërguar dhe ka zbritur një anije kozmike në Mars, pas Shteteve të Bashkuara./Tirana Today
