Dy gratë politikane të Partisë Demokratike Grida Duma dhe Albana Vokshi kanë folur sot gjatë konferencës së LDGSH-së.
Duma tha se në politikë ka vetëm njerëz dhe jo gra e burra ndërsa Vokshi ceku lirinë e shtypit dhe fjalës së lirë.
Grida Duma:“Nuk e tepëroj nëse them që mes zonjash dhe mes grash ka një komunikim më specifik se sa mes zotërinjsh dhe burrash, sidomos sa i përket vështirësive dhe elementëve politikë në komunikim.
Të qënit grua në politikë përbën herë pas here një diferencë apo një habi në politikë. Pyetja e zakonshme është: çfarë do të thotë të jesh grua në politikë? A thua se është gjë e jashtëzakonshme. Shpesh kam zgjedhur të them që të jesh grua në politik, do të thotë të jesh njeri në politikë.
Nuk ka një çështje të gruas e burrit, por të njeriut në politik.
Albana Vokshi:“Pa fjalë të lirë, nuk mund të ketë votë të lirë, nuk ekziston as shoqëria e lirë. Në këtë drejtim, vendi ynë vazhdon të bëjë hapa mbrapa me ritme alarmante.
Me nje vendim antidemokratik, media ndalohet të marrë pjesë në komisionet parlamentare, aty ku diskutohen ligjet, ndalohet të pyesë deputetët, ndalohet të jetë aty ku ngjarja ndodh. Në vend të informimit të plotë të publikut, gazetarët urdhërohen të komunikojnë me publikun vetëm përmes pamjeve të regjisë së centralizuar të kuvendit. Vendimi antidemokratik, antikushtetues, i detyron gazetarët të qendrojnë të izoluar në një dhomë, të rrethuar nga Garda e pushtetit.”
