Ndarja mes Kontes dhe Interit është tashmë zyrtare dhe tani gjithçka ndryshon te bluzinjtë. Interi po ndjek Allegrin, edhe pse në disavantazh ndaj Juventusin, për stolin, siç thuhet nga Calciomercato.it, por tani vihet në dyshim e ardhmja e disa lojtarëve. Disa shitje të kalibrit të lartë janë të mundshme prej financave dhe ndonjë largim tjetër që mund të lidhet me ikjen e trajnerit kampion: pa teknikun, disa nga ‘besnikët’ e tij mund të ndryshojnë ambjent. Dhe në një të tillë rast Hoze Murinjo, i sapoemëruar tek Roma, është gati të përfitojë.
Bëhet fjalë për Milan Skriniar, mbrojtësin sllovak i cili është rritur në mënyrë eksponenciale te Interi vitet e fundit, duke garantuar qëndrueshmëri dhe besueshmëri të madhe. Për Romën e tij në ndërtim, ‘Special one” kërkon një qëndror që mund të jetë dominues pikërisht si Milani. Portugezi mendohet se e ka dashur atë që kur ishte drejtues i Mançester Junajtidit dhe më pas tek Totenhemi. Sipas ‘Interlive’, Roma së shpejti do të paraqesë një ofertë për Skriniarin.
