Atletiko Madrid është shpallur kampione e La Liga-s në kampionatin spanjoll. Skuadra e drejtuar nga Diego Simeone, mundi në ndeshjen e fundit në transfertë ekipin e Valadolid, me rezultatin 1-2.
Të parët në avantazh kaluan miqtë, por ekipi nga kryeqyteti arriti të përmbysë rezultatin, me një super Luis Suarez. Ky është titulli i 11-të në historinë e klubit.
Ndërkohë, Real Madrid arriti të fitojë me vështirësi dhe përmbysje ndaj Vijareal, por ishte e pamjaftueshme për të fituar kampionatin. Madrilenët e përfundojnë sezonin në vendin e dytë me 84 pikë, 2 më pak se kryesuesit.
Fitore edhe për Barcelonën e Ronald Kuman, e cila mposhti me rezultatin minimal 0-1 skuadrën e Eibar. Një ndeshje e cila vlente për statistikë, pasi skuadra katalanase, kishte dalë nga lufta për titull një javë më parë.
