Fitimet nga vaksinat kundër COVID-19, kanë ndihmuar që të paktën 9 persona të bëhen miliarderë, tha një grup fushate, duke bërë thirrje për t’i dhënë fund “kontrollit monopolizues” të korporatave farmaceutike mbi teknologjinë e vaksinave, raporton AFP.
“Midis tyre, 9 miliarderë të rinj kanë pasuri të përbashkët prej 19.3 miliardë dollarë (15.8 miliardë euro), para këto të mjaftueshme për të vaksinuar të gjithë njerëzit në vendet me të ardhura të ulëta, 1.3 herë”, tha në një deklaratë Aleanca për Vaksinat e Popullit.
Aleanca, një rrjet i organizatave dhe aktivistëve që bëjnë fushatë për t’i dhënë fund të drejtave të pronës dhe patentave për vaksinim, deklaroi se shifrat e saj bazoheshin në të dhënat e Listës së Pasur të Forbes, shkruan France 24.
“Këta miliarderë janë fytyra njerëzore e fitimeve të mëdha që po bëjnë shumë korporata farmaceutike nga monopoli që mbajnë në këto vaksina,” tha Anna Marriott nga bamirësia Oxfam, e cila është pjesë e aleancës.
Përveç mega-pasurëve të rinj, tetë miliarderë ekzistues kanë parë pasurinë e tyre të kombinuar të rritet me 32.2 miliardë dollarë falë shpërndarjes së vaksinave, tha aleanca.
Kjo listë e miliarderëve të rinj, kryesohet nga CEO i Modernas Stephane Bancel dhe homologu i tij i BioNTech Ugur Sahin. Tre miliarderë të rinj të tjerë, janë bashkëthemelues të kompanisë kineze të vaksinave, CanSino Biologics.
