Ish-kryeministri Sali Berisha ka treguar prapaskenat e vendosjes së çadrës nga Partia Demokratike para kryeminstrisë, pak muaj para zgjedhjeve parlamentare të vitit 2017.
I ftuar në emisionin ”Opinon”, Berisha tha se ai vetë është njeri i shesheve dhe nuk mund të futet në një çadër.
Ai tha se ideja ishte 100% e kryedemokratit Lulzim Basha, dhe se e ka mbështetur atë.
Sali Berisha: ”Këto nuk janë të vërteta, për Reformën në Drejtësi kam qenë 100% pro. Ne jemi Opozitë u kam thënë dhe jemi për të drejtat e njeriut. Për reformën në drejtësi unë jam falenderuar nga 10 herë edhe publikisht. Cilat lëvizje radikale? A mund ta imagjinosh ti Sali Berishën të futet në çadër? Njeriu i shesheve nuk mund të mbyllet në një çadër. Ai që e thotë këtë nuk njeh historinë e vendit. Ishte ide 100% e Bashës! E mbështeta por nuk ishte ide e imja.”
