Operacioni për kapjen e 400 kg kokainë në Kosovë, sekuestrohen edhe armë, para, celularë e kompjutera
Policia e Kosovës gjatë kontrolleve të thelluar që ka bërë pas kapjes së 400kg kokainë ka gjetur në disa vende të ndryshme para në valutë Euro dhe Denarë, armë, municione, celularë e kompjutera të cilat janë sekuestruar pasi kanë lidhje me kokainën e kapur.
Po ashtu sipas mediave vendase gjithashtu janë 7 të arrestuar deri më tani të cilët kanë lidhje me kokainën e kapur në Lipjan.
Njoftimi i Policisë:
“Rr. Lidhje e Prizrenit, Lipjan (NN) 17.05.2021-11:10. Drejtoria e Hetimeve të Trafikimit me narkotik në koordinim me policinë italiane dhe shqiptare, pas një hetimi të përbashkët gjatë kontrollit në depon e një kompanie kanë gjetur dhe sekuestruar një sasi substancë të dyshuar narkotike të llojit kokainë në peshë prej 400 kg, ndërsa gjatë kontrollit në disa lokacione tjera janë gjetur dhe sekuestruar: dy revole një TT dhe tjetra me gas, 50 copë fishekë të cal. 7.62 mm, 25925 € para kesh, 200 denar MK, një veturë, 6 telefona celular, 6 PC, dy llap top, katër DVR dhe një Hard Disc.”
