Anxhela Peristeri, përfaqësuesja e Shqipërisë në Eurovizion 2021 me këngën “Karma”, do të ngjitet në skenën e Eurovizionit që do të mbahet në Roterdam, në natën e dytë. Eurivizion ka publikuar në faqen zyrtare se Peristeri do të përformojë më 20 Maj dhe do të jetë e 11-ta në listën këngëtarëve që do ngjiten në skenë.
“Deri tani kanë shkuar shumë mirë të dyja provat. Edhe tapeti i kuq shkoi shumë mirë, por gjithmonë je çik me atë ankthin ‘obobo, mos të ndodhi kjo, obobo, mos të ndodhi ajo… derisa të mbarojë e gjitha”, tha ajo për mediat. Ajo deklaroi se ndjehet e inkurajuar pasi ka marrë shumë komente pozitive nga fansat.
Në të njëjtën mbrëmje me Anxhelën do të këndojnë në këtë festival edhe këngëtarët e tjerë nga Greqia, Serbia dhe Bullgaria. Në natën e dytë në Eurivizion do të ngjiten në skenë këngëtarë nga 17 vende europiane.
