Debatet që kanë shoqëruar grupe të ndryshme brenda Partisë Demokratike, pas zgjedhjeve të 25 Prillit, mund të marrin sot një formë institucionale. Kryedemokrati Lulzim Basha ka thirrur sot mbledhjen e forumeve, ku pritet të ketë debat pas humbjes në zgjedhje. Fillimisht do të jetë mbledhja e kryesinë, në orën 17, që do të pasohet dy orë më vonë, në orën 19.00, me mbledhjen e Këshillit Kombëtar.
A do flasin Nishani e Kadilli?
Siç është paralajmëruar, mbledhja e sotme pritet që të shoqërohet me debate brenda anëtarëve të bluve, pasi kjo është edhe përballja e parë e kryedemokratit Basha me kritikët e tij në PD, pas humbjes së zgjedhjeve të 25 prillit. Në kryesi bën pjesë edhe një nga personat që ka shpallur kandidimin e tij, Fatbardh kadilli, që pritet ta përcjellë këtyë kërkesë edhe në forumin më të lartë të bluve.
Ndërsa në mbledhjen e Këshillit Kombëtar pritet të diskutohet edhe shpallja e zgjedhjeve brenda PD-së, por ende nuk dihet asgjëm e siguri. Anëtarë të Partisë Demokratike, madje edhe vetë Kreu i Këshillit Kombëtar të bluve, Bujar Nishani, kanë kërkuar largimin e Bashës pas humbjes së zgjedhjeve parlamentare. Bujar Nishani, Ibsen Elezi, Fatbardh Kadilli, Lisandër Hoxha (ish-kryetari i FRPD-së që dha dorëheqjen) bashkë me një grup tjetër që janë shpallur si “Grupi për PD”, kanë kërkuar dorëheqjen e Bashës, shpalljen e zgjedhjeve brenda PD-së, dhe një reformism të kësaj partie.
Kritikët e kryedemokratit mendojnë se Lulzim Basha duhet të japë dorëheqjen pas humbjes dhe se duhet të lejojë të bëhet rotacion brenda partisë. Ata janë shprehur pesimistë përsa i përket ndryshimit të rezultatit pas kontestimit të PD-së në instancat përkatëse. Por, nga ana tjetër, nëse ndodh një përmbysje e tillë, Bujar Nishani ka deklaruar se do t’i kërkojë falje kryedemokratit Basha dhe se do të tërhiqet nga politika.
Çfarë po ndodh në kampin opozitës pas zgjedhjeve ?
Mospranimin e rezultatit të zgjedhjeve Partia Demokratike e ka bërë zyrtare edhe në Komisionin e Ankimimeve dhe Sanksioneve (KAS), duke kërkuar rivotim për 9 qarqe. Ndërsa LSI ka bërë ankimimin për 5 qarqe ku kërkon rinumërim dhe rivlerësim të votave. Pas rrëzimit që KAS iu bëri kërkesave të opozitës për qarkun e Gjirokastrës, situata ka ndryshuar me qarkun e Beratit. Pas një përballje të fortë, sidomos në përballjen Logu-Rusmali, KAS vendosi rihapjen e kutive në 24 qendra votimi në Berat, duke pranuar kërkesën për rinumërim në këto qendra. Por KAS rrëzoi marrjen e provave të tjera nga SPAK, ç’ka solli edhe reagimin e ahspër të mbrojtësve ligjorë të selisë blu.
Kjo situatë e mospranimit të rezultatit të zgjedhjeve dhe performnca në çdo qark pritet të jetë edhe çëshja që Basha do të kërkojë të debatohet në Kryesi dhe Këshill, për të marrë një “ok” nga këto forume për vijimin e rrugës që Basha ka shpallur si të vetmen për opozitën. /Tirana Today
