Pandemia e koronavirusit mund të ketë shkaktuar jo 3 milionë e 250 mijë por rreth 6,9 milionë vdekje nëpër botë, dyfishin e numrit që raportohet zyrtarisht.
Sipas Institutit amerikan për Matjen dhe Vlerësimin e Shëndetit në Universitetin e Uashingtonit, shumica e shteteve regjistrojnë vetëm vdekjet në spitale ose të pacientëve që janë konfirmuar se bartin koronavirusin.
Vdekshmëria prej Covidit lidhet ngushtë me nivelin e testimit kundër sëmundjes, shkruan The Wenatchee World.
“Nëse nuk teston shumë atëherë mundësitë janë që nuk i gjen si duhet vdekjet prej kovidit. Shumë vdekje nga COVID-19 nuk llogariten sepse disa vende regjistrojnë vetëm viktima që ndodhin në spitale ose te njerëzit me infeksione të konfirmuara”, theksoi drejtuesi i institutit, Kristofer Mwrei.
Studimi nga Instituti për Metrika dhe Vlerësim të Shëndetit (IHME) vlerëson numrin e përgjithshëm të vdekjeve në SHBA në më shumë se 905,000, rreth 60% më e lartë se 561,594 vdekje të raportuara aktualisht nga Qendrat Amerikane për Kontrollin dhe Parandalimin e Sëmundjeve.
Gjetjet e janë të ngjashme me studimet e mëparshme që gjetën një numër shumë më të lartë të të ashtuquajturave “vdekje të tepërta” sesa vdekjet e konfirmuara nga COVID-19. Por, shkencëtarët nuk bien dakord për sa prej atyre vdekjeve të tepërta i atribuohen drejtpërdrejt virusit.
