Deputeti i Partisë Socialiste, Alket Hyseni është tërhequr nga kandidimi në qarkun e Vlorës, pasi ka shprehur pakënqësinë për rënditjen në listat e kandidatëve.
Hyseni është renditur i 11-ti në listën e kandidatëve për deputetë në Vlorë, çka nuk garanton se ai do të fitojë mandatin më 25 prill.
Gjatë konferecës për shtyp ditën e sotme me gazetarët në selinë rozë, kryeministri Edi Rama deklaroi se ishte në dijeni të pakënaqësisë së njërit prej deputetëve për pozicionimin në listë, pa bërë me dije emrin.
Ndër të tjera, Rama tregoi se i kishte thënë Hysenit se nëse ishte i pakënaqur mund të largohet pasi Partia Socialiste nuk vuan për lojtarë.
Disa emra të njohur dhe me kontribut në PS, u larguan apo vendosën të tërhiqen nga kandidimi si, Musa Ulqini, Besnik Bare, Eglantina Gjermeni, Vasilika Hysi dhe Sadi Vorpsi.
