Një 28-vjeçare nga Korça ka humbur jetën pas infektimit me koronavirus. Ajo e humbi betejën me virusin ditën e djeshme.
Mësohet se e reja ishte e shtruar prej disa ditësh në spitalin ‘Shefqet Ndroqi, ndërsa pas përkeqësimit të situatës, ajo ishte intubuar. Ndërkohë, disa ditë më parë, ajo kishte sjellë në jetë një fëmijë.
Mjekët ishin optimistë për përmirësimin e gjendjes shëndetësore të gruas, por një komplikacion në zemër i mori asaj jetën.
Nuk dihet ende nëse 28-vjeçarja, e cila ishte nënë e 3 fëmijëve, vuante nga sëmundje të tjera.
