Familja e ish-komisarit, Artan Cuku kërkon 1 milion euro dëmshpërblim nga drejtoria e Përgjithshme e Policisë dhe Ministrisë së Brendshme.
Më herët familjarët e komisarit të Vlorës Artan Cuku, i cili u vra në 8 prill 2017, kanë paditur në Gjykatën Administrative Policinë e Shtetit, pasi kërkojnë dëmshpërblim material dhe moral, si dhe drejtësi, pasi sipas tyre urdhëruesi i krimit është ende pa vendim.
Kryekomisari Artan Cuku u vra nga dora e krimit në 8 prill 2017, në rrugën e Kosovarëve në Tiranë, aty dhe ku banonte.
Porositësi i vrasjes së tij është Bledar Jambelli, i arrestuar po ashtu në Greqi. Ndërkaq, është arrestuar më herët vrasësi Mikel Shallari, i cili po vuan dënimin.
Motivi që mendohet të kenë shtyrë Jambellin të urdhëronte vrasjen e Cukut, e cila kushtoi 20 mijë euro, është rihapja e një dosjeje në vitin 2012, kohë kur komisari ishte Drejtor i Policisë Vlorë.
Cuku gjeti prova të reja për vrasjen e Shpëtim Mukës dhe Ervis Shehut në vitin 1997, e njohur si masakra e “Pusit të Mezinit” dhe Jambelli u arrestua.
