Gazetari nga Kosova, Berat Buzhala, ka komentuar kryeministrin Edi Rama, i cili para dy ditësh bëri vaksinën kundër Covid-19.
Buzhala shprehet se Rama mori vaksinën kundër virusit, jo donte të bënte një sakrificë për popullin, por sepse deshi të shpëtojë veten e vet.
“Une ma pak deshna kur hy me flejt, se sa qysh ish kane deshe Edi Rama dje kur e merrke vaksinen. U dokke sikur me deshte me e bo EKG’ne. Nejse, edhe nje send interesant, keta politikanet qe po i marrin te paret vaksinat, diqysh po dojne me e shite edhe kete akt si nje sakrifice per popullin. Demek, qe na po e marrim te paret. Shoq, thjesht po don me e shpetu bothen tande.”, shkruan Buzhala në rrjetin social, Facebook.
Më 11 janar, Shqipëria filloi fushatën e vaksnimit kundër Covid-19 në ambientet e stadiumit ”Air Albania”. E para që u vaksinua ishte drejtoresha e Spitalit Infektiv, Najada Çomo, dhe pasj saj kryeministri Edi Rama, për t’u pasuar me të tjerë mjekë.
Ndërkohë, Kuvendi i Shqipërisë do të miratojë më 28 janar, marrëveshjen me kompaninë Pfizer për dërgimin e vaksinave anti-covid në vendin tonë.
Më parë, shefi i qeverisë bëri me dije se kishte arritur marrëveshjen me Pfizer për 500 mijë të doza të vaksinës, 10 mijë prej të cilave pritet të mbërrijnë në fund të muajit janar.
