Presidenti i zgjedhur i SHBA-ve, Joe Biden do të marrë zyrtarisht detyrën më 20 janar. Por, Donald Trump, ka deklaruar se nuk do të marrë pjesë në inagurimin e Biden, edhe pse pranoi humbjen e zgjedhjeve.
Lajmin e bëri të ditur vetë Trump, përmes një postimi në rrjetet sociale.
”Për të gjithë ata të cilët kanë pyetur, nuk do të marr pjesë në inagurim më 20 janar”, shkruan Trump në Twitter.
To all of those who have asked, I will not be going to the Inauguration on January 20th.
— Donald J. Trump (@realDonaldTrump) January 8, 2021
Vendimi i Presidentit Trump shënon një shkëputje nga tradita amerikane, sipas të cilës presidenti që largohet merr pjesë në inaugurimin e presidentit të ri.
Pas përfundimit të zgjedhjeve presidenciale më 3 nëntor, kandidati demokrat, Joe Biden fitoi 306 nga 270 votat elektorale për tu zgjedhur president. Por, Trump i konsideroi zgjedhjet e manipuluara, dhe ndërmori një sërë betejash ligjore, të cilat nuk e ndryshuan rezultatin.
Pas trazirave në Capitol Hill, ku Kongresi certifikoi Biden si president, Trump u bëri thirrje mbështetësve të tij që të largoheshin, pasi sipas tij, edhe pse zgjedhjet u vodhën, tashmë duhet të bëhet kalimi i tranzicionit të pushtetit.
