Argjentina u bë vendi i parë i Amerikës Latine që miratoi përdorimin emergjent të vaksinës ruse Sputnik V, për të ndaluar përhapjen e COVID-19.
Tashmë vendi po pret një ngarkesë prej 300,000 dozash që do të ngarkohet në Moskë përpara se të kthehet në Buenos Aires të enjten para mesditës.
“ANMAT (Administrata Kombëtare e Barnave, Ushqimit dhe Teknologjisë Mjekësore) ka rekomanduar Ministrin e Shëndetësisë të japë Autorizimin Urgjent të vaksinës Sputnik V,” tha një deklaratë e botuar nga Ministria e Shëndetësisë të mërkurën.
Zyrtarët nga Ministria e Shëndetësisë kishin udhëtuar kohët e fundit në Rusi për të mësuar në lidhje me cilësinë dhe sigurinë e vaksinës.
Vaksina ruse është kritikuar nga shkencëtarët pasi sipas tyre nuk ishin bërë testime në shkallë më të gjerë. Prodhuesit e saj pretendojnë se është 90% efektive ndërsa kritikët thonë se është një mjet për të rritur influencën gjeopolitike të Rusisë.
