Me përjashtim të dasmave dhe ditëlindjeve, njerëzit nuk kanë shanse të kujtojnë se çfarë bënin në një datë të caktuar 10 apo 14 vite më parë. Por Aurelien Hejman është ndryshe.
Ai jo vetëm që e mban mend, por mund t’ju thotë me saktësi se çfarë kishte veshur, çfarë po hante, çfarë lajmesh po jepte televizori atë ditë, dhe madje edhe si ishte moti. 28-vjeçari është një nga njerëzit e paktë në botë me hipertimezi, ose një memorie autobiografike shumë superiore.
Deri në moshën 11-vjeçare, Aurelien kishte një kujtesë normale. Më pas nisi të zbulojë se mund të kujtonte me saktësi disa gjëra që kishin ndodhur vite më parë.
Vetëm 20 njerëz në botë janë diagnostikuar me hipertimezi, dhe Aurelien është i vetmi britanik. Një njeriu normal i ruan informacione të tilla si datat në kujtesën e tij afatgjatë në lobin e djathtë ballor të trurit.
Aurelien bën të njëjtën gjë, por kapaciteti i tij afatgjatë i kujtesës është rritur pasi përdor edhe lobin e majtë ballor, që normalisht është përgjegjës për mësimin e gjuhëve.
