Kandidati demokrat për president në SHBA, Joe Biden thotë se presidenti Donald Trump ende mund të fitojë zgjedhjet e vitit 2020.
Biden e thotë këtë, pasi republikani ka mundësi ta delegjitimojë rezultatin e garës presidenciale amerikane, shkruan CNN.
“Unë jam një nga ata njerëz, ose konkurrentë, i cili thotë se nuk ka mbaruar asgjë derisa të bie zilja. Ndihem supersticioz kur parashikoj diçka tjetër përveçse do të jetë një luftë e vështirë”, tha Biden në një intervistë të transmetuar në “60 Minutes” të CBS.
Kur u pyet nëse Trumpi ende mund ta mposhtte atë, Biden u shpreh se nuk e nënvlerëson mënyrën se si ai luan.
Biden tha se Trump po përpiqet të delegjitimojë zgjedhjet dhe se këto përpjekje janë gjithçka që duhet për t’i bërë njerëzit të pyesin nëse duhet apo jo, nëse ia vlen të votohet.
