Kryeministri Edi Rama ka përshëndetur nisjen e hetimit disiplinor nga ana e Inspektorit të Lartë të Drejtësisë ndaj gjyqtarit Markelian Kuqo, që liroi nga qelitë një të dënuar me burgim të përjetshëm si Gert Gjenerari.
Markelian Kuqo ka dhënë “llogari” për lirimin nga burgu të të dënuarit me burgim të përjetshëm, Gert Gjinarari, i njohur ndryshe edhe si “Gjenerali”.
Në seancën dëgjimore të zhvilluar ditën e sotme, Inspektori i Lartë i Drejtësisë, Artur Metani tha se Kuqo ka shtrembëruar me dashje faktet, duke liruar nga burgu një personazh me rrezikshmëri të lartë. Lidhur me këtë çështje, Rama thotë se ky është një hap i vonuar në rrugën e duhur të vendosjes së drejtësisë në drejtësi.
Statusi
Përshëndes Inspektorin e Lartë të Drejtësisë për kallzimin e një të paudhi me çyrk gjykatësi që ka sfiduar hapur drejtësinë dhe popullin, duke liruar një të dënuar me burgim të përjetshëm! Më në fund një hap i vonuar në rrugën e duhur të vendosjes së drejtësisë në drejtësi!
Përshëndes Inspektorin e Lartë të Drejtësisë për kallzimin e një të paudhi me çyrk gjykatësi që ka sfiduar hapur drejtësinë dhe popullin, duke liruar një të dënuar me burgim të përjetshëm! Më në fund një hap i vonuar në rrugën e duhur të vendosjes së drejtësisë në drejtësi!
— Edi Rama (@ediramaal) October 14, 2020
