Një 30-vjeçar është arrestuar pasi u kap në aksin Pogradec-Qafë Thanë, duke transportuar 4 emigrantë të paligjshëm.
Shtetasi B.M, u kishte premtuar kalimin drejt vendeve të BE-së, kundrejt fitimit 200 euro për secilin.
”Ky shtetas është kapur nga shërbimet e Policisë Rrugore, në aksin Pogradec-Qafë Thanë, duke transportuar në drejtim të Tiranës, me mjetin tip “Volkswagen”, 4 emigrantë të paligjshëm, të cilëve kundrejt fitimit 200 euro për secilin, iu kishte premtuar kalimin drejt vendeve të BE-së’’, informon policia.
Operacioni policor i koduar ‘’Perimetri’’, u finalizua nga Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec.
Materialet i kaluan Prokurorisë të Rrethit Gjyqësor Pogradec, për veprën penale “Ndihma për kalim të paligjshëm të kufijve”.
https://www.facebook.com/policiashtetitshqiptar/videos/2879785498974469/
