Kryeministri i Kosovës, Avdullah Hoti, tha se e merr bukën me vete nga shtëpia pasi asnjëherë nuk ka qenë njeri i darkave të shtrenjta.
Në formë shakaje, Hoti u shpreh se këtë e bën pasi i duket vetja student.
”Po, e marr bukën me vete. Ndoshta sepse krejt jeta më ka shkuar si student disi. Po mundohemi tash ta kthejmë Kosovën në rrugë të mbarë, mos të duket kjo shumë revolucionare. Po mundohemi t’i bëjmë disa punë të mira dhe jo punë të këqija. Jemi duke e bërë maksimumin dhe jam i bindur se do ta lëmë Kosovën më mirë sesa që e kemi gjetur”, deklaroi kryeministri në emisionin ”Oksigjen”.
Zëvendësi i tij, Driton Selmanaj ditë më parë tha se kryeministri i Kosovës nuk e harxhon buxhetin e Kosovës, madje ai edhe bukën e merr nga shtëpia.
