Në kuadër të Ditëve Europiane të Trashëgimisë dhe Ditës Kombëtare të Trashëgimisë Kulturore, Muzeu Historik Kombëtar në bashkëpunim me Qendrën Kombëtare Kulturore për Fëmijë realizuan ekspozitën me punime në pikturë dhe skulpturë të fëmijëve të kësaj qendre.
Drejtori i Muzeut Historik Kombëtar, Dr. Dorian Koçi, në fjalimin përshëndetës theksoi: “Është kënaqësi e veçantë për mua që të shikoj se si fëmijët kanë arritur në një shkallë të lartë të përvetësimit të pikturës dhe skulpturës. Arti gjithmonë bashkon dhe çon përpara shoqërinë”.
Gjithashtu ky aktivitet u përshëndet dhe nga Drejtori i Qendrës Kombëtare Kulturore për Fëmijë, z. Agim Bajko. Për punimet e sjella, fëmijët u pajisën dhe me certifikata.
