Mediat ndërkombëtare raportuan më herët ditën e sotme, se një mi gjigant në përmasat e një ariu ishte gjetur në Mexico City.
Miu gjigant u zbulua në mesin e 22 tonë plehrash të nxjerra nga punëtorët, nga sistemi i ujërave të zeza.
Por, brejtësi doli të ishte thjesht një “kukull” e madhe e përdorur për Halloween. Një grua me emrin Evelin Lopez pranoi se objekti ishte i saj dhe se stuhia ia kishte marrë atë shumë vite më parë, duke bërë që të përfundonte në sistemin e kullimit.
https://www.youtube.com/watch?v=OublBFF6ZBc
Lopez tha se ajo kishte kërkuar ndihmë nga autoritetet lokale për të gjetur miun e saj gjigant, por kërkesa e saj nuk u mor parasysh. Tani që ka përsëri objektin, ajo nuk është më e sigurt nëse do ta mbajë atë.
Përveç miut, punëtorët kanë gjetur kolltuqe dhe orendi të tjera, përfshirë një vaskë, në sistemin e kullimit të qytetit.
