Presidenti bjellorus Aleksandër Lukashenko, është betuar për një mandat të gjashtë. Raportohet se betimi është bërë në fshehtësi dhe pa asnjë njoftim paraprak. Madje thuhet se qindra zyrtarë të lartë të qeverisë kanë qenë të pranishëm në ceremoninë e mbajtur në kryeqytetin, Minsk.
Fitorja e diskutueshme e zgjedhjeve nga Lukashenko në 9 gusht, ka shkaktuar javë të tëra protesta në të gjithë Bjellorusinë. Lukashenko ka 26 vjet në pushtet, dhe opozita thotë se zgjedhjet ishin të manipuluara. Pjesa më e madhe e bashkësisë ndërkombëtare ka hedhur poshtë gjithashtu pretendimin e Lukashenkos, se ai fitoi zgjedhjet me 80% të votave.
