Ministri i Shëndetësisë në Rusi, Mikhail Murashko, është shprehur se një në shtatë vullnetarët që ishin pjesë e provës së vaksinës “Sputnik V” treguan efekte anësore.
Sipas tij, deri më tani janë ofruar mbi 40.000 vullnetarë, ndërsa vetëm 300 prej tyre janë vaksinuar. Murashko deklaroi se rreth 14 % janë ankuar për dobësi, dhimbje muskulore për 24 orë dhe një rritje të herëpashershme të temperaturës së trupit.
Vaksina ruse “Sputnik V” kundër koronavirusit u miratua në muajin gusht nga presidenti Putin, i cili nuk dha asnjë detaj mbi studimin. Ndërkohë, ishin të shumtë ekspertët që ngritën shqetësime në lidhje me efektivitetin e saj për shkak të mungesës së provave.
