Shumica e këngëtarëve të njohur shqiptarë, i kanë fitimet më të majme në koncertet e verës. Moslejimi i tyre, për shkak të rrezikut të lartë të përhapjes së pandemisë, ka shkaktuar humbje të ardhurash për artistët.
Mbyllja e eventeve, koncerteve, klubeve të natës, ka ndikuar në uljen e të ardhurave për artistët. Këngëtari i njohur Ylli Baka, tha në emisionin “Abc e Pasdites”, se muzikantët janë më të dëmtuarit, por askush nuk i ka përmendur.
Këngëtari deklaroi se ka marrë 3 paga lufte, por ka pësuar humbje shumë më të mëdha.
“Absolutisht unë kam marrë tre paga lufte. Muzikantët sot nuk i ka përmendur njeri, por dua të them se kanë një humbje shumë të madhe”, tha këngëtari.
