Kryeministri Rama do të shkojë në Athinë në datat 15 dhe 16 shtator, atje ku do të takohet me homologun Kyriakos Mitsotakis. Mediat greke konfimojnë prezencën e Ramës në Athinë, ndërsa mendohet se prioritet do të jetë çështja e detit, e cila ka shkaktuar një debat të nxehtë në Shqipëri.
Në takim veç Ramës e Mitsotakis do të jenë dhe aktorë të tjerë të rëndësishëm të politikës greke, mes tyre dhe ministri i jashtëm Nikos Dendias.
Në 16 shtator në Athinë do të zhvillohet një konferencë, e cila do të përqendrohet në kohezionin e BE-së, krizën në Mesdheun lindor, emigracionin, menaxhimin e situatës nga koronavirusi, politikën e jashtme dhe sfidat e mbrojtjes, sipërmarrjen, investimet dhe tregun e energjisë.
Në takim, sipas axhendës, do të marrin pjesë kryeministri grek Kyriakos Mitsotakis (lidhje online, jo i pranishëm fizikisht), i Maqedonisë Zaev, por dhe figura të tjera të njohura si ish-kreu i qeverisë greke Aleksis Tsipras, François Hollande, Matteo Renzi, etj.
Për të shuar zërat se Shqipëria ka firmosur marrëveshje të fshehtë me Greqinë për zgjerimin e kësaj të fundit me 12 milje në detin Jon, kryeministri Rama ka siguruar nëpërmjet daljeve publike se s’ka asnjë marrëveshje.
