Eva dhe Endri Dumani nga kampi Al Haul në Siri kanë regjistruar amanetin e fundit të gjyshes së tyre, pak ditë përpara ndarjes nga jeta.
Në mesazhin e saj, Mentije Dumani kërkon vetëm një gjë: Të mbyllë sytë në tokën shqiptare, gjë që fatkeqësisht nuk ia arriti.
“Ju e dini arsyen time se sa herë ju kam thënë për tu kthyer në Shqipëri. Mirëpo nuk e keni parë të arsyeshme. Kam bërë tre herë kërkesë. Tani jam në gjendje të rëndë shëndetësore. Jam shumë keq, jam shumë e rëndë e sëmurë. Më janë paralizu dy këmbët. Dy fëmitë që kam janë të vegjel jetim janë të vogël dhe të më ktheni në Shqipëri sa ma shpejt të më bashkoni me fëmitë e mi. Sa ma shpejt ju bëj lutje…sa ma shpejt të më bashkoni me fëmitë e mi. Kaq kisha unë. Nuk jam në gjendje të flas ma shumë”, thuhet në mesazhin e saj, raporton Top Channel.
Janë të shumtë shtetasit shqiptarë që shpresojnë të largohen nga kampi dhe të riatdhesohen. Raportime të shumta në mediat e huaja kanë zbuluar se kampi Al Haul është kthyer në biznes të mirëfilltë.
Kundrejt pagesës kurdët mund tu japin lirinë grave e fëmijëve. Çmimi për të marrë një grua apo fëmijë nga ky kamp, shkon deri në 15.000 dollarë.
