Papa Françesku ka përsëritur thirrjen për të anuluar borxhet që kanë vendet e varfra. Ai u shpreh se për shkak të pandemisë është koha për “drejtësi rikuperuese”.
Kreu i Kishës Katolike po përgatitet për një audiencë me prani të publikut që do të mbahet të mërkurën. Sipas AFP-së, kjo është audienca e parë e tillë që nga fillimi i pandemisë së koronavirusit në Itali.
“Unë përsëris thirrjen time për anulimin e borxhit të vendeve më të rrezikuara, si shenjë e njohjes së ndikimit të rëndë të krizës mjekësore, sociale dhe ekonomike që po përballen këto vende si pasojë e COVID-19”, tha ai.
