Pandemia nuk ka kursyer as futbollin. Bota e sportit po përballet me numrin në rritje të lojtarëve të infektuar.
Kapiteni i Apolonisë, Eljon Sota, ka rezultuar pozitiv në testin për koronavirus, bën me dije “Panorama Sport”.
Lojtari është kontrolluar së fundmi, duke qenë se do të grumbullohet me Kombëtaren U-21 të Shqipërisë.
Pas marrjes së përgjigjes së testit, lojtari fierak është karantinuar. Kjo situatë ka shqetësuar klubin e Apolonisë, ku menjëherë ka pezulluar stërvitjen dhe gjithashtu ka anuluar miqësoren e programuar ndaj Kastriotit.
