Presidenti i Kosovës, Hashim Thaçi, deklaroi sot se ka dekretuar tre ligje, ndër to edhe atë për pandeminë e koronavirusit.
Përmes një postimi në Facebook, Thaçi thekson se këto tri ligje do të ndihmojnë në tejkalimin e situatës dhe rimëkëmbjen e ekonomisë.
“Kosova tashmë e ka Ligjin për Parandalimin dhe Luftimin e Pandemisë COVID-19, Ligjin për Ratifikimin e Marrëveshjes me Asociacionin Ndërkombëtar për Zhvillim lidhur me financimin e Projektit Emergjent COVID-19 dhe atë për Marrëveshjen e Huasë ndërmjet Kosovës dhe BE-së për ndihmën makro-financiare. Sot i dekretova këto tri ligje tejet të rëndësishme që ndihmojnë në tejkalimin e kësaj situate dhe në rimëkëmbjen e ekonomisë sonë”, shkruan ai.
