Kreu i qeverisë, Edi Rama, njofton se brenda shtatorit segmenti nga Materniteti i Ri deri tek rrethrrotullimi i Shkozës, do të jetë i hapur për qarkullimin e automjeteve, duke lehtësuar ndjeshëm trafikun në atë zonë.
Kryeministri nuk lë pa thumbuar as opozitën, për të cilën shkruan se e quajtën një ‘punë të kryme’ dhe e inauguruan me daulle, por pa kokërr leku për investimet e shpronësimet.
Po kështu ai shton më tej se vijon puna në lotet e tjera, për të bërë të mundur që kjo vepër të jetë në një kohë sa më të shpejtë, në dispozicion të banorëve.
Statusi
Unaza e Madhe e Tiranës ishte një nga ato veprat e infrastrukturës që u numëruan si “pun e kryme” pasi u inauguruan me daulle – por pa kokërr leku për investimin e për shpronësimet – dhe krijuan borxhin e radhës ndaj kompanive të përfshira!
Sot kantieri i saj është prej kohësh në punë në pjesën veri-lindore dhe brenda shtatorit, segmenti nga Materniteti i Ri deri në rrethrrotullimin e Shkozës, do të jetë i hapur për qarkullimin e automjeteve duke lehtësuar ndjeshëm trafikun në atë zonë të kryeqytetit.
?Ndërkohë vijon puna në lotet e tjera për të bërë të mundur që kjo vepër e rëndësishme të jetë, në një kohë sa më të shpejtë, në dispozicion të kryeqytetasve e të udhëtarëve të shumtë që përdorin çdo ditë infrastrukturën rrugore të Tiranës.
