Kryeministri Edi Rama deklaron se janë miratuar mbi 5 mijë paga lufte për punonjësit e sektorit të Transportit Rrugor të Udhëtarëve dhe të larguarit nga puna për muajin qershor, si ndihmë për shkak të pandemisë.
Përmes një postimi në Facebook, Rama thekson se efekti financiar do të mbulohet nga fondi rezervë i DPSHTRR.
Punonjësit e Transportit Rrugor ishin më të prekurit nga pandemia për shkak se e nisën me vonesë aktivitetin e tyre.
Postimi i plotë:
?? SOLIDARITET për sektorin e Transportit Rrugor të Udhëtarëve për lehtësimin e pasojave nga vonesa e detyruar e nisjes së aktivitetit në muajin qershor?
QEVERIA SHQIPTARE miraton:
+5,191 Paga Lufte për punonjësit dhe të larguarit nga puna për Qershorin 2020!
Efekti financiar prej 134,966,000 Lekë mbulohet nga fondi rezervë i DPSHTRR!
Falë mirëadministrimit, rezultateve rekord të 2019-ës dhe përgjegjësisë shembullore sociale të DPSHTRR-së, mundësohet mbështetja e dytë për sivjet nga DPSHTRR për sektorin e transportit të udhëtarëve me autobus (pas kompensimit të taksës vjetore TVMP)?
