Anëtari i kryesisë së PDK-së, Kujtim Gashi, ka hedhur poshtë zërat se kjo parti do të futet në qeverinë Hoti.
Në një intervistë për emisionin Debat Plus në TV Dukagjini, Gashi tha se ky opsion nuk është diskutuar asnjëherë në organet vendimmarrëse të PDK-së.
Pavarësisht kësaj, ai ka pohuar se ka individë brenda kësaj partie që e mbështesin një ide të tillë.
Gashi sqaroi se tani për tani PDK-ja do të vazhdojë të mbesë në opozitë, nga ku do të japë kontribut për rimëkëmbjen ekonomike të vendit.
