Nga ana e policisë është vënë në pranga një 30-vjeçar me inicialet A. C., banues në Burrel. Shtetasi në fjalë, me anë të mashtrimit duke u paraqitur si avokat, ka përfituar nga shtetasi A. M., një shumë parash për kryerjen e procedurave për marrjen e një kredie. Prokuroria e Rrethit Gjyqësor Shkodër, ka urdhëruar ndalimin e këtij shtetasi, për kryerjen e veprës penale “Mashtrimi”.
“Nga shërbimet e Komisariatit të Policisë Mat, në bashkëpunim me DVP Shkodër, u bë kapja dhe ndalimi i shtetasit në kërkim A. C., 30 vjeç, banues në Burrel.
Ky shtetas ishte i shpallur në kërkim nga DVP Shkodër, pasi me anë të mashtrimit, duke u paraqitur si avokat, ka përfituar nga shtetasi A. M., një shumë parash për kryerjen e procedurave për marrjen e një kredie.
Prokuroria e Rrethit Gjyqësor Shkodër, ka urdhëruar ndalimin e këtij shtetasi, për kryerjen e veprës penale “Mashtrimi”. Materialet procedurale i kaluan Prokurorisë Mat, për veprime të mëtejshme”, njofton policia.
