Punimet në zonën e rreth-rrotullimit tek ish-sheshi “Shqiponja” sapo janë ndërprerë në mënyrë të menjëhershme.
Por cila është arsyeja?
Raportohet se shkak për ndërprerjen e punimeve për Unazën e Madhe është bërë banesa në të cilën ka jetuar Nexhmije Hoxha.
Thuhet se banesa nuk është shpronësuar e për këtë arsye punimet janë pezulluar.
Kjo konfirmohet nga përgjegjës të punimeve të kompanisë “Salillari”, e cila ka kryer punimet e Lotit të dytë të Unazës së Madhe, shkruan “abcnews.al”.
Pas shpronësimit nga ana e qeverisë, banesa ku ka jetuar Nexhmije Hoxha do të prishet për t’i hapur rrugë vijimit të punimeve.
Banorët jashtë kamerave tregojnë se pjesëtarë të familjes Hoxha kanë nisur të zhvendosin orenditë nga shtëpia, çka lë të nënkuptohet se prishja e banesës do të ndodhë së shpejti.
Kujtojmë se në katin e dytë të godinës në fjalë, që prej vitit 1994 ka jetuar Nexhmije Hoxha.
Ajo u nda nga jeta në moshën 99-vjeçare… më 26 Shkurt të këtij viti.
