Monedha evropiane është karakterizuar nga një qëndrueshmëri konstante gjatë kësaj jave duke regjistruar vetëm luhatje të lehta të vlerës teksa është këmbyer ditën e premte me 124.3 lekë.
Sipas të dhënave të publikuara nga Banka e Shqipërisë, Paundi britanik pasi ka ndjekur një linjë relativisht zbritëse gjatë ditës së djeshme ka shënuar një rënie prej gati 1 pikë nga dita e hënë duke kapur nivelin e 137.6 lekë.
Ndërkaq Dollari amerikan ka pasur një periudhë pozitive gjatë 14-19 qershorit pasi e ka mbyllur këtë javë me një rritje prej gati 0.4 pikë duke kapur kuotën e 110.83 lekë.
Franga zvicerane pasi ka pësuar një zbritje gjatë ditës së martë është forcuar sërish në ditët në vazhdim duke kapur vlerën e 116.52 lekë ditën e djeshme me një rritje prej 0.3 pikë që nga fillimi javës./SCAN
