Vijojnë tensionet në marrëdhëniet mes Koresë së Veriut dhe asaj të Jugut.
Mediat e huaja raportojnë se Peniani ka hedhur në erë mëngjesin e sotëm zyrën e saj të përbashkët ndërlidhëse me Korenë e Jugut.
Zyra e cila ndodhej afër qytetit kufitar të Kaesong u hap në vitin 2018, për të ndihmuar dy Koretë për të komunikuar. Për shkak të pandemisë së koronavirusit, Zyra ndërlidhëse ka qenë e zbrazët që nga janari.
Shpërthimi ndodhi vetëm pak orë pasi Koreja e Veriut kërcënoi Korenë e Jugut se do të çonte ushtrinë në zonën e çmilitarizuar midis dy Koreve.
Prej javësh tashmë tensionet mes dy vendeve janë përshkallëzuar, për shkak të grupeve të dezertorëve që nga Jugu çojnë mesazhe propaganduese në veri
